Збирка раскази: Интимно со пандемијата

Минатата година имавме можност да ги читаме расказите на нашите сограѓани во групата Ковид дневници, а годинава здружението Креативна верига ни ја донесе и првата збирка раскази од група автори, некои веќе нам познати, а за некои допрва ќе слушаме

Интимно со пандемијата е одлична иницијатива и верувам дека секој би се препознал во некој од овие раскази. Jordan Kocevski веќе сум имала прилика да го читам и со нетрпение чекам да објави роман, Martina Pavlovska Durlanova готвеше и можев да го слушнам гласот на нејзината ќеркичка Каја додека уживав во нејзините зборови. Особено пријатно ме изнаненади Димитар Димоски со чие дело се сретнав за прв, но не и последен пат, ме убеди дека треба да го прочитам Роберто Болањо!

Останатите автори се: Алберта Гулицовска, Александар Маркоски, Гордана Балеска Трифуноска, Дамјана Видическа, Еди Кела, Елена Димитровска, Јован Цветкоски, Лидија Стефановска, Марина Димовска, Марина Икономова Шокева, Мерсиха Исмајлоска, Рената Панчова, Сеад Салкоски, Силвана Панева.

Доколку сакате да читате раскази и тоа од домашни автори, ова е одлична збирка. Примерок може да набавите преку некој од авторите, а во Скопје може да го купите во Стрип книжарницата Бункер